الانتقال إلى المحتوى الرئيسي
الفرق والأندية

اختار مكانك داخل نواة وابدي من الشي الي يناسبك

داخل نواة تكدر تتعلم وتمارس اهتمامك من خلال الأندية، أو تدخل بتجربة عملية ضمن فريق تشغيلي وتساهم بشي حقيقي داخل المجتمع.

Nucleus & Two Pathways
✦

النادي ← تتعلم / تمارس / تتواصل

⚙

الفريق التشغيلي ← تساهم / تشغل / تبني خبرة

شنو تطلع بيه من التجربة؟

سواء اخترت نادي أو فريق، الفكرة مو بس تضيف اسمك لكروب. نريد كل تجربة داخل نواة تضيفلك شي فعلي.

تجربة حقيقية

تجرب الشي الي مهتم بيه وتتعلم من الممارسة بدل ما تبقى المعرفة نظرية بس.

مهارات تتطور وياك

تواصل، عمل جماعي، تنظيم، قيادة ومهارات مرتبطة بالمجال الي تختاره.

ناس تتعلم وياهم

تتعرف على شباب عدهم اهتمامات وخبرات مختلفة، وتتبادل وياهم المعرفة والتجربة.

مساحة تجرب بيها

تكدر تقترح، تجرب، تغلط، تتعلم وتطور فكرتك ضمن بيئة تشجع على المشاركة.

شغل تكدر توثقه

إذا كنت ضمن فريق، بعض المهام والمشاريع الي تشتغل عليها تكدر تضيفها لتجربتك أو Portfolio حسب طبيعة دورك.

فرصة تكبر بالدور

كلما تتطور تجربتك وتثبت التزامك، ممكن تستلم مسؤوليات أكبر حسب الأداء واحتياج نواة.

نادي لو فريق؟

الاثنين جزء من نواة، بس كل واحد يعطيك نوع مختلف من التجربة.

تكدر تنضم إلى فريق تشغيلي واحد فقط، وتشارك بأكثر من نادي حسب اهتماماتك.
مسار العمل والمساهمة

الفريق التشغيلي

إذا تريد تدخل بتجربة عملية وتتحمل مسؤولية واضحة، الفريق يعطيك دور ومهام وقائد تشتغل وياه حتى تساهم فعلياً بتشغيل أو تطوير نواة.

✦ دور واضح✦ مهام فعلية✦ متابعة وتقييم✦ تجربة أقرب للعمل الجماعي الحقيقي
مسار التعلم والممارسة

النادي

إذا عندك اهتمام تريد تتعلمه أو تمارسه ويا ناس يشبهوك، النادي يخليك تشارك وتتعلم بدون ما تكون عندك مسؤولية تشغيلية ثابتة.

✦ اهتمام مشترك✦ تعلم وممارسة✦ لقاءات ونقاشات✦ مشاركة أكثر مرونة
مثال توضيحينموذج توضيحي للأندية

نادي اللغة الإنجليزية | English Club

إذا تحب تطور الإنكليزي بالممارسة، هذا النوع من الأندية يجمع ناس مهتمين بالمحادثة والنقاش ويخليهم يشاركون بجلسات وأنشطة باللغة الإنجليزية.

هذا مثال يوضح شلون تشتغل فكرة الأندية؛ توفر النادي واستقبال الأعضاء يعتمد على البرنامج الحالي.

إذا دخلت فريق، شنو تضيفلك التجربة؟

الفريق مو تطوع بالاسم بس. تدخل بدور معروف، تشتغل ويا ناس، تستلم مسؤوليات وتتعلم من التنفيذ الفعلي.

خبرة عملية

تشتغل على مهام حقيقية مرتبطة بتشغيل أو تطوير نواة حسب دور الفريق.

Portfolio

بعض المهام والمشاريع تكدر توثقها ضمن أعمالك إذا طبيعة الدور تسمح بهذا.

شهادة خبرة تطوعية

أعضاء الفرق المستحقين ممكن يحصلون على شهادة من نواة توثق دورهم ومدة مساهمتهم حسب سجلات وتقييم الفريق.

خطاب توصية

المساهمات المميزة ممكن تكون مؤهلة لخطاب توصية حسب الأداء الفعلي وطبيعة التجربة.

تعلم وتطوير داخلي

حسب الفريق والحاجة، ممكن تدخل جلسات مشاركة معرفة أو تدريب يساعدك تطور شغلك ودورك.

تمثيل ومشاركة

حسب الدور والحاجة، ممكن بعض أعضاء الفرق يمثلون نواة بفعاليات أو لقاءات أو تعاونات مرتبطة بشغلهم.

الشهادات وخطابات التوصية تعتمد على مدة ونوعية المساهمة والتقييم، وما تصدر تلقائياً بمجرد الانضمام.

وإذا تطور دورك؟

بعض الأعضاء مع الوقت ممكن ينتقلون لمسؤوليات قيادة أو إدارة حسب الأداء واحتياج نواة.

قيادة مهمة أو مشروع
متابعة أعضاء أو مهام
المشاركة بتخطيط شغل الفريق
التعامل مع جهات أو متعاونين حسب الدور
قيادة فعالية أو مبادرة
تطوير مهارات الإدارة والقيادة
مستوى المسؤولية الفعلي ممكن ينعكس أيضاً بتوثيق التجربة عند استحقاق الشهادة.

شلون تشتغل الفرق والأندية؟

01

شلون تشتغل الفرق؟

01

تعرف دورك

تعرف شنو مسؤوليتك وشنو المتوقع منك داخل الفريق.

02

تشتغل ويا قائد وخطة

قائد الفريق يرتب وياكم المهام والأولويات وطريقة الشغل.

03

تنفذ وتتابع

تشتغل على مهام فعلية وتبقى أكو متابعة مستمرة حسب طبيعة الفريق.

04

تمر بفترة تجربة

حتى أنت والفريق تتأكدون إن الدور مناسب قبل الاعتماد النهائي.

05

تتطور ويانه

نراجع التجربة بشكل دوري حتى نعرف شنو يتطور وشنو يحتاج يتغير.

عضو الفريق متطوع، مو موظف؛ بس دوره حقيقي وواضح وشغله مرتبط بمسؤولية داخل نواة.
02

شلون تشتغل الأندية؟

✦

تبدأ من اهتمام

كل نادي يدور حول اهتمام أو مهارة تجمع المشاركين.

✦

تتعلم وتمارس

لقاءات، نقاشات وتجارب تخليك تطبق وتشارك مو بس تسمع.

✦

تشارك على راحتك

النادي مو دور تشغيلي، فمشاركتك تعتمد على طبيعة النادي والنشاط.

✦

تبقى التجربة مستمرة

ممكن يصير للنادي لقاءات أونلاين وداخل NAWAT Space وأنشطة مختلفة مع الوقت.

مو كل نادي مفتوح طول الوقت؛ بعض الأندية ممكن تحتاج تسجيل مسبق أو يكون عدها عدد محدد حسب النشاط.

شنو تحب تبدي بيه؟

الفرق والأندية تتغير حسب احتياج نواة واهتمامات المجتمع، لذلك نفتح المسارات الي عدها دور أو نشاط واضح فعلاً.

قائمة الفرق والأندية المفتوحة للانضمام تتحدث حسب الاحتياج، حتى ما نخلي أحد ينضم لمسار ما بيه تجربة فعلية.
مسار الأندية والمجتمع

أريد أشارك حسب اهتماماتي

استكشف مجتمع نواة والأندية والمساحات الي تناسب اهتماماتك.

مسار الفرق التشغيلية

أريد أكتسب تجربة وأساهم

قدّم للتطوع حتى تدخل بمسار تشغيلي إذا أكو دور مناسب ومفتوح.

الفرق والأندية | مجتمع نواة