المكان الي تتحول بيه العلاقات والأفكار إلى شي حقيقي
NAWAT Space هو مقر نواة في بغداد؛ مكان تكدر تجي له، تتعلم، تشتغل، تلتقي بناس، تحضر نشاط أو تقضي وقتك ضمن مساحة شبابية تجمع الناس والأفكار بمكان واحد.
شنو تكدر تسوي داخل NAWAT Space؟
تتعلم
ورش وتدريبات نظرية وعملية وتجارب تساعدك تطور مهاراتك.
تجتمع
اجتماعات فرق ومشاريع وجلسات ونقاشات بمساحات مهيأة إلها.
تشتغل
Workstation بسيط تكدر تنجز بيه شغلك أو تشتغل على فكرتك.
تشارك
أندية، لقاءات، مبادرات وأنشطة مجتمعية مختلفة.
تسوي فعالية
ورشة، Meetup، جلسة أو فعالية تكدر تنسقها ويانه حسب طبيعة النشاط.
تقضي وقت
جلسات داخلية وخارجية، ضيافة وتجارب مجتمعية تخلي وجودك بنواة مو مرتبط بس بفعالية.
شنو موجود داخل NAWAT Space؟
قاعة التدريب النظري
مخصصة للورش والمحاضرات والعروض والجلسات التعليمية.
قاعة التدريب العملي
للتدريبات والتجارب والأنشطة الي تحتاج تطبيق وشغل عملي.
قاعة الاجتماعات
لاجتماعات الفرق والمشاريع والجلسات والنقاشات المركزة.
Workstation
مساحة بسيطة تكدر تفتح بيها لابتوبك، تنجز شغلك أو تشتغل على مشروعك.
زاوية الضيافة
مساحة بسيطة للقهوة والضيافة والاستراحة بين اللقاءات والأنشطة.
نبكة نواة
جلسات خارجية بجانب نبكة نواة، للتعارف والنقاش وقضاء وقت أخف داخل المكان.
NAWAT Rooftop
سطح نواة للفعاليات والجلسات والأنشطة الخارجية حسب نوع النشاط والجو.
مو بس قاعات
جدار المشاريع
مساحة نعرض بيها مشاريع ومنتجات وتجارب شبابية مختارة حتى يشوفها زوار NAWAT Space ويتعرفون على أصحابها.
NAWAT Screen
شاشة داخل المساحة لعرض محتوى نواة والتعاونات والإعلانات المعتمدة للجهات والمشاريع المهتمة بالظهور داخل المكان.
تجارب مجتمعية
نريد NAWAT Space يكون مكان ترجع له مو بس حتى تحضر ورشة؛ لهذا نشتغل على تجارب وأنشطة خفيفة تخلي وجودك بالمكان أمتع وتساعد الناس تتعرف وتتفاعل أكثر.
عندك فكرة تحتاج مكان؟
NAWAT Space مو بس مكان لأنشطة نواة. إذا عندك فكرة، فريق، مشروع أو فعالية، ممكن نرتب استخدام المساحة حسب نوع النشاط واحتياجه.
مر علينا بنواة
تگدر تزور NAWAT Space خلال ساعات العمل الرسمية بدون حجز أو تسجيل مسبق، سواء تريد تشوف المكان، تلتقي بالمجتمع، تشتغل، أو تقضي وقتك ويانه.