مو مجرد كروب ولا مجرد مكان
نواة تجمع الشباب أونلاين وداخل NAWAT Space حتى تتحول الاهتمامات والأفكار إلى علاقات ومهارات وفرق ومبادرات حقيقية.
ليش تأسست نواة؟
لأن هواية شباب عدهم طاقة وأفكار ويريدون يشاركون، بس مو دائماً يلكون الناس الصح أو المكان أو الفرصة الي تساعدهم يبدون.
نواة اجت حتى تجمع هاي الأشياء بمكان وتجربة وحدة.
الأونلاين والمكان تجربة وحدة
المجتمع الرقمي
هنا تبدي العلاقة. تتعرف على ناس يشاركوك اهتماماتك، تتابع الأنشطة، وتبقى قريب من كلشي يصير داخل نواة.
NAWAT Space
وهنا تتحول العلاقة لشي حقيقي: لقاءات، ورش، أندية، فرق وأفكار نشتغل عليها سوية.
شنو الي يميز نواة؟
المشاركة قبل المتابعة
مو هدفنا نجمع عدد متابعين. نريد الناس تدخل بالصورة وتشارك فعلياً.
الأونلاين يكمل الواقع
التواصل يبدي أونلاين، وبعدها يكمل بلقاءات وتجارب حقيقية داخل NAWAT Space.
مجتمعات مبنية على الاهتمامات
كل شخص يلكه ناس قريبين من اهتمامه حتى يتعلم وياهم ويطور نفسه ويشارك أكثر.
العلاقة ما تنتهي بانتهاء النشاط
الورشة أو اللقاء مو النهاية. مرات تكون البداية لفكرة، فريق، صداقة أو فرصة جديدة.
رؤيتنا
نريد نواة تصير المكان الي يلكة بي الشاب العراقي الناس والبيئة والفرصة الي تساعدة يبدي ويكبر.
رسالتنا
نجمع الشباب أونلاين وعلى أرض الواقع حتى نبني علاقات، نتعلم، نشارك، ونحول الاهتمامات إلى مهارات وفرق ومبادرات حقيقية.