نبني تعاونات تقدم قيمة حقيقية للشباب
نتعاون ويا الشركات والمنظمات والمبادرات والمدربين حتى نبني برامج وتجارب وفرص تفيد الشباب، ونطلع بتعاون واضح ومفيد للطرفين.
ليش تتعاون ويا نواة؟
نحاول نخلي كل تعاون يوصل لشي واضح: تجربة أفضل للشباب، قيمة حقيقية للشريك، وتنفيذ مرتب من البداية للنهاية.
مجتمع شبابي فعلي
توصل لمجتمع شبابي مهتم بالتعلم، المشاركة والتجارب الجديدة.
NAWAT Space
مساحة فعلية في بغداد نكدر نستضيف بيها برامج، لقاءات، ورش وتعاونات مختلفة حسب طبيعة النشاط.
تنفيذ وتنظيم
فريق يساعد بالتنسيق، التسجيل، التشغيل ومتابعة تفاصيل النشاط حسب نطاق التعاون.
وصول وتواصل
نستخدم قنوات نواة الرسمية حتى نوصل النشاط أو الفرصة للجمهور المناسب حسب طبيعتها.
Feedback بعد التنفيذ
حسب نوع التعاون والبيانات المتوفرة، نكدر نوفر ملخص أو Feedback يساعد الطرفين يعرفون شنو تحقق وشنو ممكن يتطور.
شلون نكدر نتعاون؟
شكل التعاون مو ثابت؛ نحدده حسب الهدف، الجمهور والقيمة الي نكدر نبنيها سوية.
تنظيم فعالية أو برنامج
استضافة ورشة أو جلسة
توفير مدرب أو متحدث
تقديم فرص لأعضاء المجتمع
تنفيذ مبادرة مشتركة
دعم مالي أو عيني
توفير أدوات أو خدمات
تعاون إعلامي أو مجتمعي
شنو تقدم نواة وشنو نحتاج من الشريك؟
- ✓الوصول إلى مجتمع شبابي مهتم
- ✓NAWAT Space حسب طبيعة التعاون
- ✓تنظيم التسجيل والحضور إذا النشاط يحتاج
- ✓فريق للتنسيق والتشغيل
- ✓الترويج عبر القنوات الرسمية حسب الاتفاق
- ✓Feedback أو ملخص بعد التنفيذ حسب النشاط
- ✦هدف واضح وقيمة حقيقية للشباب
- ✦مسؤول تواصل واحد
- ✦تفاصيل ومحتوى معتمد
- ✦التزام بالمواعيد والمسؤوليات
- ✦احترام خصوصية الأعضاء وبياناتهم
- ✦وضوح الميزانية أو المساهمة عند الحاجة
مبادئ شراكتنا
قيمة قبل الظهور
أي تعاون لازم يقدم فائدة حقيقية للمجتمع، مو مجرد إعلان.
وضوح من البداية
الهدف، المسؤوليات، الوقت والمخرجات تنحسم قبل التنفيذ.
احترام المجتمع
خصوصية الأعضاء وتجربتهم أهم من أي تعاون.
توافق مع هوية نواة
ما ندخل بتعاون يتعارض مع رسالة نواة أو طبيعة مجتمعها.
كل طرف يعرف دوره
أي استخدام للاسم أو الشعار أو القنوات الرسمية يكون حسب اتفاق واضح.
شلون يصير التعاون؟
توصلنا فكرتكم
نعرف منو الجهة وشنو هدف التعاون.
نراجع الفكرة
نشوف إذا تناسب مجتمع نواة وشلون ممكن ننفذها.
نحچي بالتفاصيل
إذا نحتاج، نسوي اجتماع قصير ونحدد الشكل المناسب.
نثبت النطاق
نحدد المسؤوليات، الجدول، المحتوى وأي ميزانية أو موارد مطلوبة.
ننفذ
بعد الاتفاق المكتوب، نبدي التنفيذ والترويج حسب الخطة.
عندكم فكرة ممكن نبنيها سوية؟
عرفونا بالجهة، الفكرة والهدف من التعاون، وفريق العلاقات يراجعها ويرجعلكم بالطريقة المناسبة.